Dýbaıda týrısterge salyq salynady
ASTANA. QazAqparat - Naýryz aıynyń sońynan bastap Dýbaı ámirligine keletin barlyq týrıster jergilikti qonaqúılerde túnegen árbir tún úshin salyq tóleıtin bolady. Barlyq qonaqúıler, demalys úıleri jáne basqa da osyndaı mekemeler olardyń klasyna qaraı bir túnge 7-den 20 dırhemge deıin (63-180 rýbl) qosymsha tólem engizedi, dep habarlady Ýtro.rý.
Salyqty engizýdi murager hanzada jáne Dýbaı atqarý keńesiniń tóraǵasy sheıh Hamdan bın Mohammed bekittti. The National basylymynyń habarlaýynsha, túsken qarajat ámirliktiń halyqaralyq bedelin alǵa jyljytýǵa, týrızm men saýdanyń ósýin yntalandyrýǵa jáne Ehro 2020 halyqaralyq kórmesin uıymdastyrý shyǵyndaryn jabýǵa jumsalmaq. Aldyn ala esepter boıynsha, kórmeni uıymdastyrý ámirlikke keminde 32 mlrd. dırhemge (288 mlrd. rýbl) túsedi.
Jańa salyq jergilikti kásipkerlerdiń renishin týǵyzdy. Olardyń aıtýynsha, qosymsha tólem onsha kóp bolmasa da, týrısterdi úrkitedi jáne olardyń ámirlikte bolý ýaqytyn qysqartýǵa ákep soqtyrady: bylaı qaraǵanda úlken soma bolmaǵanmen, birneshe aptada iri somaǵa jetedi.
Negizinen Saýd Arabııasynan, Qytaıdan, Úndistannnan, Reseıden jáne Batys Eýropadan keletin qarapaıym týrısterdiń ámirlikte bolý merzimi jańa salyq avtorlaryn tolǵandyrmaıdy. Aldyn ala esepter boıynsha, Ehro 2020 kórmesi ótýi kezinde ámirlikke jylyna 20 mıllıon adam keledi. Olar úshin kórme bastalýyna deıin eki ese kóp qonaqúıler salynady, qonaq úı bólmeleri 160 myńǵa deıin ósedi, sondyqtan da týrısterdiń ámirlikke demalysqa kelý merziminiń qysqarýy jalpy kiriske onsha áser etpeıdi.
Degenmen, Dýbaı rekreatsııalyq týrızmnen bas tartpaq emes. Jaqynda jergilikti úkimet barlyq úsh jáne tórt juldyzdy qonaqúılerdiń kún saıynǵy kirisinen 10 paıyz mýnıtsıpaldyq salyq tóleýdi alyp tastaýdy usyndy. Sonyń saldarynan kásipkerler orta klastaǵy qonaqúıler salýdan qashqaqtap kelgen bolatyn. Al Dýbaıdaǵy bir nómirdiń baǵasy álemdegi eń joǵary (200 dollarǵa jýyq) bolýy kóptegen týrısterdi úrkitetin. Endi jergilikti ókimet oryndary qazynaǵa tólemdi qysqartýmen qatar qurylysqa úkimettik jer bólýge sheshim qabyldady.
