Dýbaıda týrısterge aıyppul salynbaq
ASTANA. QazAqparat - Dýbaı bıligi adamdarǵa qubylmaly aýa raıy kezinde shomylǵandary úshin aıyppul salýdy josparlap otyr.
Polıtsııa qyzmetkerleri jaǵalaýda qaýiptiń bar ekenin eskertetin qyzyl jalaý turǵanda sýǵa júzetin nemese sý sporty túrlerimen aınalysatyndardy jazaǵa tartatyn bolady. Bul shara jaqyn arada engizilmek, dep habarlaıdy Emirates24/7. Aıta keteıik, jaǵalaýǵa qyzyl jalaý demalýshylarǵa aýa raıy qolaısyz bolatyny jaıly eskertý retinde ilinedi. Bul sýda jaraqattaný men sýǵa batyp ketýdiń aldyn alý úshin qolǵa alynatyn shara. Alaıda adamdar kóp jaǵdaıda oǵan mán bermeıdi. Endi olarǵa bul qylyqtary úshin aıyppul salynatyn boldy. Ázirge onyń kólemi habarlanbady.
