Dýbaıda turǵyzylyp jatqan tóbesi kók tiregen ǵımarattar tropıkalyq klımat qurady (FOTO)
ASTANA. QazAqparat - ZAS Architects fırmasy jasaqtaǵan, tóbesi kók tiregen záýlim ǵımarattar jobasy 550 mıllıon dollarǵa túsedi jáne asa ádemi qalalyq kýrortqa aınalady, dep habarlaıdy Naked Science.
Eki záýlim ǵımarattan turatyn bıik munaralardyń jalpy aýmaǵy 186 000 sharshy metr.Eki munara da 53 qabattan bolady. Al bireýinde 448 bólmelik birinshi klasty otel bolsa, ekinshisinde 280 páter bar.
Munaraǵa kirer jer asa úlken tropıkalyq ormanda júrgendeı áser qaldyratyn 3D-proektsııalarmen jabdyqtalady.
Budan basqa túrli aýdıovızýaldy, robototehnıkalyq jáne 3D-tehnologııalar onyń áserin kúsheıte túsetin bolady.
Záýlim ǵımarattardyń basty ereksheligi aýmaǵy 7000 sharshy metr ashyq tropıkalyq orman bolmaq. Munda qoǵamdyq attraktsıon, tropıkalyq ósimdikter jáne tropıkalyq ylǵaldy aýa júıesi ornatylady.
Sáýletshilerdiń aıtýynsha, osynda jańbyr men tumandy da kózge elestete alasyz.
Taǵy aıta keter jaıt, eki ǵımaratta asa jyldam lıfttermen, júkti nomerge ákep beretin robottalǵan júıelermen jaraqtalady.
Qazirgi ýaqytta bulardyń qurylysy júrip jatyr jáne 2018 jyly bitýi kútilýde.
