Dýbaıda tolassyz jaýǵan jaýyn sý tasqynyna ákeldi

ASTANA. KAZINFORM – Birikken Arab Ámirlikteriniń qalalarynda qatty jańbyr jaýyp tur. El bıligi mektepter men memlekettik mekemelerdi onlaın-ǵa jiberdi, dep habarlaıdy Euronews. 

Tolassyz jaýǵan jaýyn dúısenbide Dýbaı men Ábý-Dabı qalalarynyń keı aýdandarynda sý tasqyny men kólik qozǵalysynyń toqtaýyna ákelip soqtyrdy, dep jazdy Gulf News basylymy.

Elde kún raıyna baılanysty qaýiptiliktiń qyzǵylt sary deńgeıi jarııalandy.

BAÁ Ulttyq meteorologııalyq ortalyǵy eldiń birneshe qalasy úshin eskertý jarııalady, ol seısenbi kúni túske deıin kúshinde bolady.

Dýbaı polıtsııasy aýa raıynyń qolaısyzdyǵy týraly eskertetin sms-habarlamalar taratyp, turǵyndardy shyǵanaq jaǵalaýynan alys júrip, kólik júrgizý kezinde qyraǵy bolýǵa shaqyrdy.

Bılik bilim mekemelerine ýaqytsha qashyqtan oqýǵa ruqsat berdi.