Dýbaıda temperatýrasy retteletin qala salynbaq
ASTANA. QazAqparat - Birikken Arab Ámirlikteriniń baı qalasy - Dýbaı kóshbasshylary jaqyn arada ǵalamshardaǵy alǵashqy kúmbez astyndaǵy qala qurylysy bastalatynyn jarııalady.
Óziniń derbes klımat-baqylaý júıesi bar tolyq jabyq qalalardyń tujyrymdamasy sońǵy ǵasyr boıy ǵylymı fantastıka taqyryby bolyp keldi. Endi ony iske asyrýdy BAÁ qolǵa almaq, al munda aýa temperatýrasynyń joǵary ekeni belgili, dep habarlady vesti.ru . «Álemdik saýda úıi» degen ataýǵa ıe bolǵan joǵary tehnologııaly qala-saýda kesheni tutastaı kúmbezden ǵana emes, kúmbezdi móldir korpýstar serııasynan turady, onyń aýdany 4,46 shaqyrym bolmaq.
Metropolııa aýqymy bir qalanyń aýmaǵyndaı jerdi alady (keshenniń uzyndyǵy keminde 7 shaqyrym). Alańnyń bir bóligi (750 myń sharshy metri) saýda alańdary bolmaq, sondaı-aq munda álemdegi eń úlken jabyq taqyryptyq saıabaq ornalasady.
Qalada júzge tarta qonaqúıler (20 myń nómir), ártúrli mádenı sharalar ótkiziletin oryn, teatr jáne joǵary klasty medıtsınalyq mekemeler ornalasady. Barlyq aýdandar klımat-baqylaý júıesimen jabdyqtalady. Óıtkeni týrızm BAÁ kiristeri negizgi kózderiniń biri. Mall of the World jyldyń kez kelgen ýaqytynda ashyq bolady, Dýbaı ókimeti munda jylyna 180 mıllıon kelýshilerdi tartýǵa nıettenip otyr.
