Dýbaıda sýasty qonaq úıi turǵyzylatyn boldy
ASTANA. 24 qańtar. QazAqparat - Drydocks World kompanııasy Dýbaıdaǵy sýasty Water Discos qonaq úıiniń qurylysy aldyndaǵy júrgizilgen zertteý jumystarynyń aıaqtalǵanyn málim etti. Bul jaıynda «Vatan» arab basylymy habar taratty.
muslim.kz saıtynyń jazýynsha, bıyl álemdegi eń iri sýasty qonaq úıi bolatyn keshenniń qurylǵylary ornatyla bastaıdy. Meımanhananyń tehnıkalyq jobasy, barlyq ınjenerlik jáne mehanıkalyq konstrýktsııasy daıyn tur. Buǵan qosa, kóp bóligi sý astynda bolatyn, syrt kelbeti dısk tektes qonaq úıdiń dızaıny da qaǵazǵa túsip, qattalyp qoıǵan. Aldyn-ala esep boıynsha qonaq úı kesheniniń qurylysyna ketetin qarajat 70 mln dollar men 120 mln dollar arasynda bolýy múmkin. Oǵan jumsalatyn qarajattyń naqty bir mólsheriniń kesip-piship aıtylmaýynda úlken syr jatyr. Meımanhananyń aýdany, syıymdylyǵy men bólmeler sany ózgerýi múmkin. Aldyn-ala jasalǵan joba boıynsha qonaq úı aýdany -10 m tereńdikte 11 myń sharshy metrdi quramaq. Qonaq úı qurylysy 2013 jyly bastalady. Buǵan barlyq negiz bar: ámirliktiń ekonomıkasy ósip, týrısterdiń qarasy artqan. Aldaǵy 9 jylda jyl qurǵatpaı elge keletin týrısterdiń sanyn paıyzǵa shaqqanda 6,5%-dy quraýy múmkin. Qurylysshylar Dýbaıdyń jaǵalaýǵa jaqyn ornalasqan aýdandaryn aralap, qonaq úı turǵyzýǵa qolaıly oryn izdeýge kirisken. Olardyń tańdaýy kólik qatynasy jolǵa qoıylǵan, ınfraqurylymy damyǵan, tolqyny kóp týlamaıtyn sýy tymyq jerge túsetini belgili. Eń qolaıly oryndy da tapqan syńaıly. Ol - Jýmeır jaǵalaýy.
