Dýbaıda salynyp jatqan záýlim ǵımaratta órt shyqty

Órt búgin jergilikti ýaqytpen saǵat 12.45-te bastaldy. Dýbaı ámirliginiń azamattyq qorǵanys bólimshesinen tótenshe oqıǵa bolǵan jerge jaqyn mańdaǵy «Marına» jáne «Port Saıed» aýdandarynan órt sóndirý kúshteri shyqqanyn habarlady.

Zardap shekkender jóninde aqparattar joq. Kýágerlerdiń órt bolǵan jerden túsirgen beınejazbalarynda jalyn qurylystyń joǵarǵy vabattaryn sharpyǵany kórinedi.

Ókinishke oraı bul aǵymdaǵy jyly Dýbaıda bolǵan alǵashqy iri órt emes. Jańa jyldyń qarsańynda ámirlik megapolısinde ataqty «Býrdj Halıfa» záýlim ǵımaraty mańyndaǵy The Address bıik qonaqúıi jalynǵa oranǵan bolatyn.

Ótken aıda «Dýbaı Marına» aýdanyndaǵy týrısterge jaqsy tanymal bıik ǵımaratta da órt boldy. Degenmen órt saldarynan ǵımarat turǵyndarynan eshkim zardap shekken joq.