Dýbaıda Ramazan aıyna oraı jazǵy jeńildikter baǵasy belgili boldy
ÁBÝ-DABI. QazAqparat - Birikken Arab Ámirlikteriniń qonaqúıleri men áýe bıletteriniń baǵasyna jazǵy ýaqytta bolatyn jeńildikter baǵasyn bilgisi keletin sheteldik týrıster úshin Dýbaıdaǵy oıyn-saýyq sharalarynyń baǵdarlamasy belgili boldy, dep jazady «Rýsskıe Emıraty» ınternet-basylymy.
Qasıetti Ramazan aıy bıylǵy jyly 29 maýsymda bastalyp, 27 shildege deıin jalǵasady. Sáıkesinshe, Id ál-Fıtr 28 shildeden 1 tamyzǵa deıin jalǵasady. Soǵan baılanysty «Jazǵy tosyn syı» dástúrli saýda festıvali 1 shildeden 2 tamyzǵa aýystyrylyp, 5 qyrkúıekke deıin jalǵasady.
Ramazan kezinde sharalardyń kóp bóligi ıslam mádenıetine arnalady. Qasıetti aıdyń sońǵy eki aptasynda jeke shaǵyn saýda festıvali ótedi. Onyń barysynda kelýshiler tıimdi baǵamen syılyqtar ala alady.
Maýsym aıynyń ortasynda halyqaralyq saýda ortalyǵynda balalar men barlyq otbasy úshin «Modhesh álemi» sharasy bastalady. Modhesh - jazǵy Dýbaıdyń sımvolyna aınalǵan kún sáýleli bala. «Modhesh álemi» baǵdarlamasy eki jarym aıǵa josparlanǵan.
«Jazǵy tosyn syı» saýda festıvali kezinde Dýbaı qalasynyń turǵyndary men qonaqtaryn tek tıimdi baǵalar ǵana emes, kóptegen oıyn-saýyq baǵdarlamalar da kútip tur. Ol bıylǵy jyly 17-ret ótkizilmek.
