Dýbaıda ótetin EKSPO-2020 kórmesiniń bas jospary tanystyryldy - VIDEO
ASTANA. QazAqparat - 2020 jylǵy qazannan 2021 jylǵy sáýirge deıin BAÁ-niń Dýbaı qalasynda ótetin «EKSPO-2020» halyqaralyq kórmesiniń uıymdastyrý komıteti kórmeniń bas jospary jaıly vıdeorolık shyǵardy.
Ámirlik bıligi kórmege 25 mıllıon adam keledi dep kútýde. Olardyń 70 paıyzy shetelden. Kórme alańy 438 gektar, onyń 150 gektaryn kórme ekspozıtsııasy, qalǵany turǵyn, logıstıkalyq, qonaq úı nysandary bolady. Qurylys jumystary 2019 jylǵy qazanda aıaqtalady dep josparlanýda.
Budan buryn habarlanǵandaı, EKSPO-2020 ótkizý Dýbaı ınfraqurylymyna 8 mlrd ınvestıtsııa qajet etedi. Bul soma metro ýchaskesin salýdy, kórme ótetin aýdandaǵy jol jelisin jańǵyrtýdy qamtıdy.
