Dýbaıda órtengen qonaqúıdiń aldynda selfı jasaǵan jastar qamaýdan bosatyldy
ASTANA. QazAqparat - Dýbaı prokýrory fotosýret avtorlaryna qarsy qozǵalǵan qylmystyq isti jaýap tastady, sebebi olardyń áreketterinen qaskóılik nıet anyqtalmaǵan, dep habarlaıdy reseılik «RIA Novostı» agenttigi.
Dýbaıda Jańa jyl qarsańynda órtengen Address Downtown qonaqúıiniń aldynda turyp fotoǵa túsken jigit pen boıjetken qamaýdan bosatyldy, delingen Dubai Media Office málimdemesinde.
Dýbaıdyń bas prokýrory Isam ál-Hýmeıdan fotosýret avtorlaryna qarsy qozǵalǵan qylmystyq isti jabý týraly sheshim qabyldady, sebebi olardyń áreketterinen qastyq nıet anyqtalmaǵan.
Alaıda, álimdeme jasaýshy bas prokýror kópshilikti áleýmettik jelilerge kez kelgen materıaldar ornalastyrýdan saq bolýǵa shaqyrdy.
Esterińizge sala ketsek, jastardyń órtenip jatqan bıik ǵımarattyń aldyna túsken fotosýreti áýeli Týıtter áleýmettik jelisinde paıda bolyp, keıin ony álemdik BAQ taratqan bolatyn.
Foto: © AP Photo/ Jon Gambrell
