Dýbaıda musylman kıimderiniń osy zamanǵy sán úlgileriniń kórsetilimi ótti
ASTANA. 1 mamyr. QazAqparat - Dýbaı qalasy aımaqtaǵy elderdiń sán ortalyǵyna aınalýy múmkin. Taıaý Shyǵys modelerleri Fashion Forward sán festıvalinde óz ónerlerin pash etti.
«Novostı» aqparat agenttigine silteme jasap muslim.kz habarlaǵandaı, sáýir aıynyń 26 men 29 aralyǵynda jıyrmadaı talantty dızaıner osy sharaǵa qatysty. Sheberler aıanyp qalmaı, óz eńbekterinde sapasy da, túsi de san alýan matalardy paıdalanǵan. Modelerlerdiń arasynda Tahır Sultannyń (Tahir Sutan), Ámir Harýnnyń (Amira Haroon), Issanyń (Essa), Ramı Qadynyń (Rami Kadi) jobalary eldiń kóńilinen shyqty.
Taıaý Shyǵystaǵy sán ındýstrııasy endi damyp kele jatqandyqtan, Fashion Forward festıvali qıyndyǵy kózge kórine bermeıtin, názik talǵamdy qajet etetin osy salada óz soqpaǵyn salǵysy keletinderge baǵyn synap kórýge múmkindik berip otyr. Fashion Forward festıvaliniń maqsaty da talantty esimderdi ashýǵa saıady. Sán úlgilerin tamashalaýǵa kelgen jurtshylyqtyń arasynda tek jergilikti turǵyndar ǵana emes, sonymen birge Frantsııadan, Anglııadan, AQSh-tan kelgen meımandar da boldy. Olar osy shara aıasynda óz bilgenderin, tájirıbesin ortaǵa salady.
