Dýbaıda Mercedes-Benz kompanııasynyń elıtaly turǵyn úı kesheni salynady
ASTANA.KAZINFORM — Nemis avtoóndirýshisi Binghatti ázirleýshisimen birlesip, Dýbaıdaǵy Mercedes-Benz brendimen qala qurý boıynsha keshendi, 8,2 mıllıard dollarlyq joba ázirlenip jatyr. Bul týraly Gulfnews saıty habarlady.
Jalpy aýdany 930 000 sharshy metr bolatyn Mercedes-Benz Places-Binghatti City turǵyn úı kesheni Meıdan aýdanynda ornalasady. Birneshe munaradan turatyn keshen turǵyn úı jáne kommertsııalyq nysandardy, demalys oryndaryn jáne qoǵamdyq keńistikterdi qamtıdy, olardyń dızaıny Mercedes-Benz kompanııasynyń «Sezimtal tazalyq» fılosofııasyna negizdeledi.
Mercedes-Benz jáne Binghatti jobasy — ózindik ınfraqurylymy bar «qala ishindegi qala»: saýda býlvarlary, mádenı aımaqtar, demalys oryndary, saıabaqtar, kólik toraptary, densaýlyq saqtaý jáne sport nysandary, meıramhanalar jáne oıyn-saýyq aımaqtary bolady. Munyń bári keshen turǵyndary úshin jaıaý jetetin qashyqtyqta ornalasqan.
Joba 2026 jyldyń 14 qańtarynda iske qosylady dep josparlanǵan.
Buǵan deıin Dýbaıda avtojoly bar alyp saýda ortalyǵy salynǵanyn habarlaǵan edik.
Sondaı-aq Dýbaıda ushqyshsyz taksı qatynaı bastady.