Dýbaıda medbıkelerge «altyn vızalar» beriledi

ASTANA. KAZINFORM — Dýbaı Birikke Arab Ámirlikterinde 15 jyldan astam jumys istegen medbıkelerge «altyn vızalar» beredi, dep habarlaıdy AZERTADJ.

Bul sheshim olardyń qoǵamǵa qosqan baǵa jetpes úlesi men medıtsınalyq qyzmetterdiń sapasyn arttyrýdaǵy mańyzdy rólin moıyndaý maqsatynda qabyldandy.

Dýbaıdyń taq hanzadasy, BAÁ-niń vıtse-premer-mınıstri jáne qorǵanys mınıstri Sheıh Hamdan ben Mýhammed ben Rashıd Ál Maktým medbıkelerdiń densaýlyq saqtaý júıesiniń aldyńǵy shebinde júrgenderin aıtyp, deni saý qoǵam qurýda mańyzdy ról atqaratynyn atap ótti.

Sheıh Hamdan medbıkelerdiń patsıentterge kútim jasaýdaǵy kúndelikti kúsh-jigerin jáne basqalardyń ál-aýqatyna adaldyǵyn joǵary baǵalaǵan, dep málimdeıdi Dubai Media Office.

Bul dırektıva jyl saıyn 12 mamyrda atap ótiletin Halyqaralyq medbıkeler kúninde qabyldandy.

BAÁ-niń «altyn vızalary» — eldiń damýyna erekshe úles qosqan, qundy daǵdylary bar nemese ekonomıkalyq ósý úshin mańyzdy salalarda jumys isteıtin adamdarǵa beriletin 10 jyldyq turýǵa ruqsat.

«Altyn vıza» ıegeri BAÁ bankterinde shot asha alady, salyq rezıdenti mártebesin alady. Sonymen qatar ámirlikterde bıznes júrgize alady jáne densaýlyq saqtaý qyzmetterin paıdalana alady.

Buǵan deıin 12 mamyrda Memleket basshysy Qasym-Jomart Toqaev Aqordada Qazaqstanǵa resmı saparmen kelgen Abý-Dabıdiń Taq murageri sheıh Haled ben Muhammed ben Zaıd Ál-Nahaıandy qarsy aldy. Abý-Dabıdiń Taq murageri Qazaqstanmen qaı salalardaǵy yntymaqtastyq jandanatynyn aıtty.