Dýbaıda Qyrǵyzstannyń burynǵy prezıdenti Asqar Aqaevtyń kúıeý balasy ustaldy
BІShKEK. QazAqparat - Interpoldyń Qyrǵyzstandaǵy Ulttyq ortalyq bıýrosynyń baspasóz qyzmetinen kelip túsken málimetter boıynsha, Dýbaıda (BAÁ) Qyrǵyzstannyń burynǵy prezıdenti Asqar Aqaevtyń kúıeý balasy - halyqaralyq izdeýde bolǵan Ádil Toıǵonbaev ustaldy.
Qyrǵyz quqyq qorǵaý organdary birqatar qylmystardy jasady dep aıyptaǵan Á.Toıǵonbaev 2005 jyldan beri izdeýde júrgen. Atap aıtqanda, ol Qyrǵyzstan Respýblıkasynyń 166-baby («Adamdar tobynyń aldyn ala kelisip jasaǵan alaıaqtyǵy), 169-baby («Urlyq») jáne 213-baby («Sharýashylyq etýshi sýbektilerdiń qyzmettik tulǵalarynyń salyqtar men basqa mindetti saqtandyrý jarnalaryn tóleýden jaltarý») boıynsha aıyptalyp otyr.
Qyrǵyz tarapynyń suraýymen Á.Toıǵonbaev sonyń ishinde Interpoldyń «qyzyl tsırkýlıaryna» engizilip, shekarany kesip ótkende ustalýy tıis.
Qolda bar málimetter boıynsha, 11 jyl buryn «qyzǵaldaq revolıýtsııasynan» keıin izdeý jarııalanǵan A.Aqaevtyń kúıeý balasyn Qazaqstan men Reseı áýejaılarynda birneshe ret ustalǵan.
