Dýbaıda Quran baǵy ashylady
ASTANA. QazAqparat - Jaqynda Dýbaıdyń Al Khawaneej aýdanynda qasıetti Quran baǵy ashylady. 60 gektar aýmaqty alatyn baq qasıetti Quran kárim arqyly musylmandarǵa jetken ǵajaıyp syrlarmen bólisedi, dep habarlaıdy «Nur Astana» portaly.
Qasıetti baqtyń erekshelikterine toqtala ketsek, munda Quranda atalǵan 54 ósimdik túri ósiriletin ǵajaıyp Islam baǵy bolady. Qonaqtar baqtan ǵalamshardan joıylyp ketken úsh túrli ósimdikti ǵana kóre almaıdy. Sondaı-aq baq meımandary bul ósimdikterdiń emdik qasıetteri týraly málimetterge qanyǵa alady. Sonymen qatar kelýshiler Quran aıattaryn tyńdap, Quran tarıhy týraly beınematerıaldardy tamashalaı alady. Dýbaıdaǵy ǵajaıyp saıabaq qurylysyna 7,3 mln dollar jumsalǵan. Buǵan qosa, munda balalardyń oıyn alańy, ashyq aspan astyndaǵy teatr, júgirýge jáne velosıped tebýge arnalǵan alańqaılar bolady.
