Dýbaıda kúnine 2500$ paıda tabatyn qaıyr tileýshi ustaldy
ÁBÝ-DABI. QazAqparat - Alǵashqy úsh aıda Dýbaıda qaıyr surap júrgen 59 adam ustaldy. Ámirlik megapolısiniń mýnıtsıpalıteti habarlaǵandaı, shamamen 2500 AQSh dollar kóleminde paıda tapqan.
Dýbaı Mýnıtsıpalıtetiniń ókili Feısal Al Badıavı óz habarlamasynda ámirliktegi qaıyr tileýmen kúresý naýqany aıasynda polıtsııa qaıyr tileıtin 59 tulǵany ustaǵanyn habarlady.
Ustalǵandardyń keıbireýlerinde tólqujattary, iskerlik jáne týrıstik vızalary boldy. Naýqan aıasynda «qaıyrshylardyń» basym bóligi BAÁ-ǵa úsh aılyq vıza arqyly zańdy túrde kirgen, dedi Al Badıavı.
Ámirlik sheneýniginiń sózine qaraǵanda, Dýbaıda qaıyr tileýshilerdiń biri aıyna 270,000 dırhamnan astam 73500 AQSh dollar paıda tapqan. Ortasha alǵanda bir táýliktegi tabysy shamamen 9000 dırhamdy (2450 AQSh dollaryna jýyq) qurady. Negizinen meshitterdiń janynda qaıyr tilegen.
