Dýbaıda QR Parlamenti Májilisine saılaýǵa daýys berý ótýde (FOTO)
ÁBÝ-DABI-DÝBAI. QazAqparat - Partııalyq tizim boıynsha QR Parlamenti Májilisine depýtattardy kezekten tys saılaý ótkizýine baılanysty 20 naýryzda, saǵat 7.00-de Dýbaıdaǵy jáne Soltústik Ámirliktegi Qazaqstannyń Bas konsýldyǵy ǵımaratynda № 224 saılaý ýchaskesi ashyldy.
Ýchaskede BAÁ-de turaqty turatyn jáne túrli sebeptermen arab elinde júrgen QR azamattary konstıtýtsııalyq quqyqtaryn júzege asyrady.
Ýchaske tańerteń jergilikti ýaqyt boıynsha saǵat 7.00-de ashyldy (Jeksenbi BAÁ-de jumys kúni sanalady), saltanatty jaǵdaıda Qazaqstan Respýblıkasynyń Ánurany oryndaldy.
Dýbaı qalasyndaǵy jáne Soltústik Ámirliktegi QR Bas konsýldyǵynyń qyzmetkerleri saılaýshylar kóp bolady dep kútýde.
Qazirgi ýaqytta Bas konsýldyq esebinde 600-ge jýyq QR azamaty tirkelgen. Ámirlikte turaqty turatyn otandastarymyz kóp. Dýbaıda bilim alyp jatqan qazaqstandyq stýdentter de jeterlik. Budan basqa, Ámirlik - týrısterdiń tańdap baratyn orny. Dýbaı kóshi-qon agenttiginiń derekterine súıensek, jyl saıyn bul elge 300 myńnan astam qazaqstandyq barady eken.
