Dýbaıda kóshede júgirgen robottyń vıdeosy jelide tarady
ASTANA. KAZINFORM – Dýbaıda kósheniń arǵy betinen ótip bara jatqan adam tárizdi robottyń vıdeosy áleýmettik jelide keńinen tarap, jeli qoldanýshylarynyń qyzyǵýshylyǵyn týǵyzdy, dep habarlaıdy Kazinform.
Dýbaı turǵyndary men qonaqtary qala kóshelerin kezip júrgen gýmanoıd robotty kórip, onyń erekshe is-áreketterine kýá boldy.
Dubai Post jarııalaǵan beınerolıkte kósheniń arǵy jaq betinde júgirip júrgen robot pen ony basqarýǵa arnalǵan qurylǵyny alyp júrgen adamdy baıqaýǵa bolady.
#فيديو | روبوت يركض في شوارع #دبي #صحيفة_الخليج pic.twitter.com/T7ekXm7AXd
— صحيفة الخليج (@alkhaleej) July 31, 2025
Buǵan deıin Qytaıda adam tárizdi robottardyń álemdegi alǵashqy jekpe-jegi ótken edi. Atalmysh jarys tarıhı oqıǵaǵa balandy. Óıtkeni bul álemdegi alǵashqy adam tárizdi robottyń qatysýymen ótken sporttyq is-shara.
Sondaı-aq Qytaıda alǵash ret robottar fýtbol týrnırine qatysqanyn jazǵan bolatynbyz.