Dýbaıda kólikterdiń rekordtyq sany tirkeldi
ÁBÝ-DABI. QazAqparat - Resmı derekterge sáıkes Dýbaı ámirliginde 2,35 mıllıon turǵynǵa 1,4 mıllıon kólik tirkelgen, dep habarlady «Rýsskıe Emıraty» portaly.
Dýbaıdyń Jol jáne kólik komıteti resmı esebin jarııalady, soǵan sáıkes ámirlikte kólikter sany arta túsip, 2006 jylmen salystyrǵanda eki esege ósken.
Keltirilgen derekter Dýbaıda kólik quraldarynyń ámirlik turǵyndaryna rekordtyq ara-qatynasy 1000 adamǵa 540-qa teń. Nıý-Iork sııaqty iri qalalardyń ózinde 1000 adamǵa 305 kólikten kelse, Londonda 1000 adamǵa - 213 kólikten.
Bul úderis qoǵamdyq kóliktiń barynsha damyǵan júıesine suranystyń artqanyn kórsetedi. Dýbaı metrosy men tramvaı qatynasy joldaǵy júktemeni azdap jeńildetti.
Aıta keter jaıt, ámirlik turǵyndary jazda aýa raıynyń aptap ystyqtyǵyn alǵa tartady. Bul taıaý metro stansasyna, avtobýs aıaldamasyna jetýde belgili bir qıyndyq týdyrady.
