Dýbaıda eń qymbat bir shynyaıaq kofe daıyndaldy

ASTANA. KAZINFORM – Guinness rekordtar kitabynyń derekterine sáıkes, álemdegi eń qymbat kofe Dýbaıdaǵy Roasters Specialty Coffee House kofehanasynda daıyndalǵan.

Bir shynyaıaq kofeniń quny – 2500 dırham (680 AQSh dollary). Qymbat kofeni satyp alǵan adamnyń kim ekeni belgisiz.

Bul qymbat ári erekshe sýsyndy ázirleý úshin Panamadaǵy Hacienda La Esmeralda ferkasynda ósirilgen sırek kezdesetin Geisha arabıka dánderi paıdalanylǵan.

Buǵan deıin biz 2025 jyly jahandyq naryqta kofeniń baǵasy qalaı ózgeretini jáne onyń qazaqstandyq tutynýshy úshin qalaı áser etetini týraly jazǵan bolatynbyz.

Kóktemde Qazaqstannyń kofe ımportyn aıtarlyqtaı arttyrǵany habarlanǵan edi.

Al tamyz aıynda Shymkentte iri kólemdegi qoldan jasalǵan (kontrafakt) kofe tárkilendi.