Dýbaıda Býrdj-Halıfadan bıik jańa ǵımarat salynbaq
ÁBÝ-DABI. QazAqparat - Dýbaı qalasynda ótetin «EKSPO-2020» halyqaralyq kórmesine deıin Birikken Arab Ámirliginiń bıligi jańa kóp qabatty ǵımarat salýǵa nıet bildirip otyr.
Jańa munara «Dubai Creek Harbour» aýdanynyń damý ortalyǵyna aınalmaq jáne ol qazirgi eń bıik ǵımarat «Býrdj-Halıfadan» birshama uzyn bolady. Bul týraly Dýbaıda ótken baspasóz-maslıhatynda «Emaar Properties» holdınginiń tóraǵasy Mohamed Alabbar málim etti.
«Jańa ǵımarattyń uzyndyǵy týraly naqty aqparatty ázirge qupııa saqtaımyz. Múmkin onyń naqty sanyn ǵımarttyń ashylýynda ǵana jarııa etermiz. Ol Býrdj-Halıfadan bir saty bıik bolady», - dedi M.Alabbar.
Onyń aıtýynsha, kóp qabatty jańa ǵımarat shyǵyny 1 mlrd. AQSh dollaryna baǵalanyp otyr. Onyń qurylysy bıylǵy jyldyń jazynda bastalyp, Dýbaıda ótetin EKSPO-2020 halyqaralyq kórmesi qarsańynda aıaqtalýy tıis.
Jańa ǵımarat arhıtektory shveıtsarııalyq - Santıago Kalatrava.
