Dýbaıda «Býrdj Halıfada» jańajyldyq otshashý kezinde boıdaqtar men úılengender eki topqa bólinedi
ASTANA. QazAqparat - Jańa jyl túni Jańa jyldy Downtown aýdanynda qarsy alǵysy keletin Dýbaı qalasynyń turǵyndary men qonaqtaryn polıtseıler «boıdaqtar» jáne otbasyly dep ekige bóledi.
Jańa jylda Dýbaıda eń tanymal oryn Downtown bolyp tabylady, munda júz myńdaǵan adam tamashalaıtyn áıgili kók tiregen «Býrdj Halıfa» ǵımaratynan erekshe jaryq-shoý uıymdastyrý dástúrge aınalǵan.
Belgili bir kúnderi tek januıalylar ǵana qatynaıtyn «Búkilálemdik aýyl» jármeńkesi ýaqytynda boıdaqtardyń kelýine shekteý baıaǵydan bar bolsa da, bul shara Dýbaıda alǵash ret qabyldandy.
Polıtsııa jańajyldyq túni Daýntaýn aýdanyna ornalasý rejiminiń saqtalýyn qadaǵalaıdy. Otbasylar úshin metronyń jaqyn stansalaryn aýdanmen baılanystyratyn eń qysqa baǵyttar bólindi.
Jelide Dýbaıdaǵy jańajyldyq otshashý jobasynyń vıdeosy paıda boldy.
