Dýbaıda birden bes perzent súıgen anasynyń da, shala týǵan sharanalardyń da densaýlyǵy qalypty
ASTANA. 13 aqpan. QazAqparat - Dýbaıdaǵy saýdııalyq-nemis emhanasynda birden bes perzent dúnıege keldi. Besinshisin kútpegen áke-sheshesi qýanyshtan kózderine jas alǵan.
gulfnews.com. aqparattyq agenttiginiń habaryna súıensek, 4 perzent kútip júrgen 29 jastaǵy Ranım Amır Barmada men onyń 33 jastaǵy jubaıy Hasan Mıýntser Barmada qursaqtan beseý shyǵady dep oılamaǵan.
«Aıran-asyr boldym da qaldym. Bastapqyda senbedim. Biraq, keıin múmkin altynshysy shyǵyp qalar degen úmit te boldy», - dedi ebil-sebil jylaǵan egizderdiń ákesi.
Ranım Amır erledi. Qursaǵy qutty ana bir týǵanda eki qyz, úsh uldy bir-aq tapty. Onyń merziminen buryn tolǵatyp, egizderdi ishin jaryp alǵyzǵanyn aıta ketý kerek. Bes perzent súıgen anasynyń da, shala týǵan sharanalardyń da densaýlyǵy qalypty. Egizder qazirgi ýaqytta ınkýbatorda jatyr, dep jazady muslim.kz.
Saudi-German Hospitals Group emhanasynyń saýdııalyq-nemis tobynyń basshysy, áıeldiń aman-esen bosanýyna septesken tórt dárigerdiń biri - Hasan Áli mundaı jaǵdaıdyń sırek kezdesetinin tilge tıek etti.
