Dýbaıda besjuldyzdy qonaqúı órtenip jatyr
ÁBÝ-DABI. QazAqparat - Dýbaı qalasynda Address Hotel Downtown qonaqúıi otqa orandy.
Atalmysh qonaqúı eń bıik áıgili ǵımarat «Býrdj Halıfanyń» qasynda ornalasqan. Ol jerde tún ortasynda merekelik otshashý bolady dep josparlanǵan. Otshashýdy álemniń mıllıondaǵan halqy tamashalaıdy. 63 qabatty Address Hotel Downtown qonaqúıindegi órt 20-shy qabatynan bastalǵan. Tilsiz jaýmen ámirliktiń azamattyq qorǵanys kúshteriniń tikushaqtary men órt sóndirý qyzmeti alysyp jatyr.
Dýbaıdaǵy azamattyq qorǵanys departamentiniń basshysy general-maıor zardap shekkender joq dep habarlady. Qala mýnıtsıpalıteti tótenshe oqıǵaǵa qaramastan, «Býrdj Halıfada» jańa jyldyq salatanat bolatynyn málimdedi. Uıymdastyrýshylardyń aıtýynsha, otshashý 1,6 tonna pırotehnıka men 400 myń LED-jaryqtandyrǵyshtan turady.
