Dýbaıda «BAÁ + TMD elderi» bıznes-forýmy ótedi
ÁBÝ-DABI. QazAqparat - Ábý-Dabıdegi QR Elshiliginde alǵashqy halyqaralyq «BAÁ + TMD elderi» bıznes-forýmyn ótkizýdiń uıymdasqan máselelerin talqylaý maqsatynda BAÁ-de TMD elderi elshilikteriniń elshileri men aǵa dıplomattarynyń qatysýymen dóńgelek ústel ótti.
«Ejelgi jol: jańa múmkindikter» atalatyn bul shara BAÁ premer-mınstri, vıtse-prezıdenti, Dýbaı basqarýshysy sheıh Mýhammed ben Rashıd Ál Maktým baqylaýynda ótedi.
«CIS Global Business Forum-2016» bıznes forýmy jyl saıynǵy negizde 2012 jyldan bastap Dýbaı Saýda-ónerkásiptik palatasy uıymdastyrǵan bıznes forým serııasynyń bóligi bolyp tabylady. Forým maqsaty - Qazaqstan men TMD basqa da elderiniń ınvestıtsııalyq áleýetin ashý úshin eń joǵarǵy deńgeıdegi iskerlik alań qurý, sondaı-aq naqty jobalardy birlesip iske asyrý úshin bıznes orta arasynda tikeleı baılanystar ornatý.
Aldaǵy bıznes forýmǵa 1 myńnan astam qonaq qatysady. Olardyń ishinde kórnekti ekonomıster, áleýetti ınvestorlar, bank qurylymdarynyń, ınvestıtsııalyq qorlar, iskerlik orta ókilderi de bolady dep kútilýde.
