Dýbaıda azyq-túlikten gepatıt pen norovırýsty anyqtaıtyn jańa zerthana ashyldy
ASTANA. KAZINFORM - Dýbaı qalasynda azyq-túlik quramyndaǵy vırýstardy anyqtaıtyn jańa zerthana iske qosyldy.
Bul — Birikken Arab Ámirlikteri aýmaǵyndaǵy osyndaı tehnologııamen jabdyqtalǵan alǵashqy ortalyq.
Joba týraly BRICS TV habarlady.
Zerthana zamanaýı genomdyq tehnologııalar negizinde jumys isteıdi.
Ortalyqta tsıfrlyq polımerazdy tizbekti reaktsııa tehnologııasy qoldanylady.
Bul ádis norovırýs pen A jáne E gepatıti vırýstaryn joǵary dáldikpen anyqtaýǵa múmkindik beredi.
Tehnologııa kúrdeli úlgilerdi zertteý kezinde de tıimdi nátıje kórsetedi.
Atap aıtqanda, sút ónimderi, teńiz taǵamdary, shyryndar men jańa pisken kókónister tekseriledi.
Zerthana táýligine 60 synama óńdeı alady.
Al shuǵyl jaǵdaıda bul kórsetkish 100 úlgige deıin ulǵaıtylady.
Mamandardyń aıtýynsha, nátıjeni jyldam alý azyq-túlik sapasyn jedel baqylaýǵa múmkindik beredi.
Sondaı-aq naqty derek negizinde sheshim qabyldaý protsesin jeńildetedi.
Dýbaıdyń ortalyq zerthanasy elde alǵash ret azyq-túlik ónimderin vırýsqa tekserýdiń osyndaı ádisin engizip otyr.
Bılik bul joba azyq-túlik qaýipsizdigin kúsheıtip, tutynýshylar senimin arttyrady dep esepteıdi.
Jańa ortalyq ýnıversıtetter men ǵylymı uıymdardyń birlesken zertteý alańyna aınalmaq.
Bolashaqta elde azyq-túlik vırýstarynyń ulttyq bazasyn qurý josparlanyp otyr.
Bul sanıtarlyq baqylaý júıesin kúsheıtýge múmkindik beredi.
Osyǵan deıin álemniń 47 eli azyq-túlik tapshylyǵynyń zardabyn tartyp otyrǵany týraly jazdyq.
