Dýbaıda alǵashqy kommertsııalyq áýe taksı stantsııasy salyndy
ASTANA. KAZINFORM — Dýbaıda 2026 jyldyń sońyna josparlanǵan áýe taksıine arnalǵan alǵashqy vertıporttyń qurylysy aıaqtaldy, dep habarlaıdy Xinhua.
Dýbaı halyqaralyq áýejaıy mańynda ornalasqan jańa keshenniń aýmaǵy — 3000 sharshy metr.
Tórt qabatty ǵımaratta tik ushyp-qonatyn elektr áýe apparattaryna (eVTOL) arnalǵan eki arnaıy ushý-qoný alańy jáne avtoturaq qarastyrylǵan.
Stantsııa jylyna 170 myń jolaýshyǵa qyzmet kórsete alady. Áýe taksı arqyly kommertsııalyq tasymaldardy iske qosý 2026 jyldyń sońyna josparlanǵan.
Bul joba qalalyq áýe mobıldiligin damytý baǵdarlamasynyń bir bóligi. Alǵashqy kezeńde tórt vertıporttan (áýe taksı stantsııalarynan) turatyn jeli qurý josparlanǵan: áýejaıdaǵy nysannan bólek, qala ortalyǵynda, Palm Jumeirah aýmaǵynda jáne Dubai Marina aýdanynda stantsııalar paıda bolady.
Jańa júıe qala ishindegi qozǵalys ýaqytyn aıtarlyqtaı qysqartady. Mysaly, áýejaıdan Palm Jumeirah-ǵa deıingi ushý shamamen 10 mınýtty alady, al avtokólikpen bul jol shamamen 45 mınýtqa sozylady.
Keshen zamanaýı ınfraqurylymmen jabdyqtalǵan, onyń ishinde elektr áýe apparattaryn zarıadtaý stantsııalary jáne eki deńgeıli avtoturaq bar.
Dýbaı bıligi bul nysandy «óz túrindegi alǵashqy joba» dep atap, bolashaqtyń turaqty ári joǵary tehnologııaly kólik júıesin qalyptastyrýdaǵy rólin erekshe atap ótti.
Eske sala keteıik, Almaty men Alataý qalalarynda áýe taksıi iske qosylady.
