Dýbaıda álemdegi eń úlken saýda ortalyǵy salynady
ASTANA. QazAqparat - Dýbaı qalasynda álemdegi eń úlken saýda ortalyǵy ashylmaq. Onyń qurylysy 2015 jyldyń birinshi toqsanynda bastalady, dep habarlady Dubai Holding ınvestıtsııalyq kompanııasyna silteme jasaı otyryp Emirates 24/7.
Ortalyq The Mall of the World dep atalaýy múmkin. Jańa ortalyqtyń jalpy alańy 4,5 mln. sharshy metrdi quraıdy. Joba quny - $6,8 mlrd. Jyl saıyn saýda ornyna kelýshiler sany 180 mln. adam bolady dep kútilýde.
Dúkenderden basqa, saýda úıi aýmaǵynda 20 myń oryndyq qonaqúı, medıtsınalyq mekemeler, teatr, tsırk, saıabaq, otbasylyq oıyn-saýyq ortalyǵy bolady dep josparlanýda.
