Dýbaıda álemdegi eń úlken kún elektr stansasy iske qosyldy
ASTANA. QazAqparat - Dýbaıda álemdegi eń iri kún kollektorymen jumys isteıtin elektr stansasy iske qosyldy, dep habarlaıdy The National basylymy.
Basylym málimetterine sáıkes, elektr stantsııasynyń qýattylyǵy 700 megavatt.
Kún sáýlesin aýlaǵysh nysan - kún kollektorynyń bıiktigi 260 metrdi quraıdy. Bul qazirgi ýaqyttaǵy álemdegi eń bıik kún sáýlesin óndirýshi nysan bolyp otyr.
Elektr stansasy qurylysyn Saýd Arabııasy men Qytaıdyń merdiger kompanııalary júrgizgen. Qurylys quny 3,9 mıllıard dollarǵa baǵalandy.
