Dýbaıda álemdegi eń qymbat kólik saýdaǵa shyǵaryldy
ASTANA. 18 qyrkúıek. QazAqparat - Dýbaıda álemdegi eń qymbat kólik saýdaǵa shyǵaryldy, dep habarlaıdy 24.kz saıtynan.
Taza altyn, platına men gaýhartastardan jasalǵan Lamborghini Aventador kóliginiń quny 3 mıllıon AQSh dollaryna baǵalanyp otyr. Gınnes rekordtar kitabyna 4 nomınatsııa boıynsha enýge úmitker kóliktiń qazirge tek kishireıtilgen úlgisi jasalǵan. Degenmen, bastapqy jarnany salamyn degen satyp alýshy paıda bolsa, onyń shynaıy túri jasalmaq. Sonymen qatar kóliktiń bolashaq ıesi ony óz qalaýy boıynsha árleı alady. Altyn kólikti satýdan túsken qarjynyń bir bóligi qaıyrymdylyq maqsattarǵa jumsalmaq.
