Dýbaıda álemdegi eń qymbat at jarysy bastalýda
ÁBÝ-DÁBI. 30 naýryz. QazAqparat - Búgin Dýbaı qalasyndaǵy (BAÁ) «Meıdan» ıppodromynda on segizinshi Dubai World Cup-2013 at jarysy ótedi.
Bul jarys at sporty áleminde ataýly oqıǵa bolyp tabylady, óıtkeni bul jerde jylqylardy, shabandozdardy, joǵarǵy dárejeli jattyqtyrýshylardy jáne, árıne, álemniń túkpir-túkpirinen kelgen attardyń «juldyzdy» ıelerin kórýge bolady.Qatysýshylar aqshalaı júlde úshin toǵyz báıgede jarysady, onyń jalpy somasy 27 mıllıon AQSh dollarynan asady.
Dástúr boıynsha Álem kýbogy Dýbaıda 1961 jyldan beri jyl saıyn naýryz aıynyń sońǵy senbisinde ótedi. Dál osy jarystar úshin Dýbaı bıleýshisi sheıh Muhammed bın Rashıd Al Maktým Dýbaı shyǵanaǵy mańyndaǵy «Nad Al Sheba» aýdanynda «Meıdan» atty qazirgi zamanǵa saı ıppodrom saldy.
Sheıh Mýhammed bın Rashıd Al Maktýmnyń ózi jeke atqorasynan ataqty tulparlaryn shyǵarady, olardyń biri Dýbaıdaǵy 2012 jylǵy Álem kýbogynyń jeńimpazy - «Monterosso».
Báıgeni uıymdastyrýshylar shaqyrylǵan hanymdar men myrzalardy is-sharanyń tıisti «dress-kodyn» ustanýdy sypaıy túrde eskertti. Erler úshin - kostıým-vızıtka, frak, áıelder úshin - tańdaýly qalpaqtar jáne saýsaqty qolǵaptar. Eń ádemi qalpaq ıelerine bes myń AQSh dollary kóleminde aqshalaı júlde qarastyrylǵan.
