Dýbaıda álemdegi eń iri otshashý bolady
ASTANA. 24 jeltoqsan. QazAqparat - Dýbaı turǵyndary men qonaqtaryn erekshe áserli Jańa jyl kútip tur. Birikken Arab Ámirlikteriniń iri qalasynda álemdegi asa kólemdi otshashý uıymdastyrylyp,
Gınnestiń rekordtar kitabyndaǵy kórsetkishti jańartý kózdelip otyr. Pırotehnıkalyq shoý 31 jeltoqsan kúni tún ortasynda bastalyp, 6 mınýtqa sozylmaq.
Bir aıta keter jaıt, otshashýdyń uzaqtyǵy emes, al onyń kólemi tańǵaldyrady. Shoý shamamen 100 shaqyrymǵa sozylady jáne ony qalanyń kez kelgen jerinen kórýge bolady. Otshashýlar Dýbaıdyń belgili nazar aýdararlyq jerlerinde - bıiktigi kók tiregen Burj Khalifa, Burj Al Arab qonaq úıi jáne Palm jasandy aralyndaǵy Atlantisqonaq úıiniń janynda uıymdastyrylady. Barlyǵy shamamen 450 myń dúrkin atý josparlanyp otyr. Osyǵan deıin rekord Kýveıt araldaryna tıesili bolatyn, 2012 jyly onda bir saǵattyq otshashý ótti. Al shoý jaǵalaý boıymen 5 shaqyrymǵa sozyldy.
