Dýbaıda álemdegi eń bıik ǵımarattardyń biri otqa orandy
ASTANA. QazAqparat - Dýbaıda beısenbiden jumaǵa qaraǵan túni álemdegi eń záýlim ǵımarattardyń biri -Torch Tower (BAÁ) órtendi.
Bul týraly TASS ámirliktiń azamattyq qorǵanys basqarmasyna silteme jasap habarlady.
" Dýbaı azamattyq qorǵanys basqarmasynyń dırektory general Rashed Tanı al-Matrýshı órt sóndirilgendigin málim etti», -delingen vedomostvo baspasóz qyzmetiniń habarlamasynda. Óz kezeginde ámirlik ákimshiligi qazirgi ýaqytta zardap shekkender jaıly aqparattardyń túspegendigin aıtty.
Eske sala ketsek, Torch Tower 2015 jyldyń aqpan aıynda da órtengen bolatyn. Onda júzdegen adam evakýatsııalanyp, birneshe ondaǵany zardap shekken edi.
