Dýbaıda ákesi qutqarýshylarǵa sýǵa batyp bara jatqan qyzyna qol tıgizýge ruqsat bermegen
ASTANA. QazAqparat - Dýbaıdaǵy jaǵajaılardyń birinde 20 jastaǵy qyz batyp ketti. Onyń ákesi qutqarýshy er adamdarǵa qyzyna qol tıgizýge tyıym salǵan.
Bul týraly Lenta.ru Emirates247 silteme jasap habarlady.
Basylymǵa Dýbaı polıtsııasynyń izdeý jáne qutqarý departamenti dırektorynyń orynbasary Kol Ahmed Býrkıba habarlaǵandaı, Azııa týmasy óziniń áıeli men balalaryn jaǵajaıda demalýǵa ákelgen. Shomylyp júrgen qyzdardyń biri sýǵa bata bastaǵan. Kómekke asyqqan qutqarýshylarǵa otaǵasy kedergi keltirip, qyzyn ustaýǵa ruqsat bermegen.
Osylaısha qutqarýshylar qyzǵa kómektesýge tym kesh jetti. Ony ajaldan alyp qalý múmkin bolmady.
