Dýbaıda 63 dollarlyq «altyn» gambýrger usynylady
ASTANA. QazAqparat - Dýbaıdaǵy Eat The World DXB kóshedegi azyq-túlik festıvalinde as altynymen bezendirilgen 63 dollarlyq gambýrger usynylady.
Bul týraly Arabian Business jýrnaly habarlady.
The Roadery brıtandyq kompanııasy usynǵan sendvıchtiń quramynda mármár sıyr etinen jasalǵan bes kotlet, trıýfeldi irimshik, fýa-gra, shafrandy maıonez jáne búldirgendi ketchýp bar. Gambýrger 24 karattyq as altynymen bezendirilgen.
Jańa taǵamǵa «Býrdj-Halıfa» - álemdegi eń bıik bolyp sanalatyn Dýbaıdaǵy kóp qabatty úıdiń aty berildi.
Eske sala ketsek, Eat The World DXB festıvali 23-25 aqpan aralyǵynda ótedi.
