Dýbaı jappaı «jasyl shatyr» ornatqaly jatyr
ASTANA. QazAqparat - Dýbaı bıligi bos jatqan shatyrlarǵa elektr energııasyn shyǵaratyn kún panelderin ornatýǵa sheshim qabyldady. Atalǵan panelder energııamen jabdyqtaýdyń ortaq júıesine qosylatyn bolady, dep habarlaıdy kapital.kz.
Qala basshylyǵy energııanyń bul balamaly kózin óndirýge baǵyttalǵan jobany júzege asyrýǵa qala turǵyndary men jeke kompanııalardy tartýdy kózdep otyr. Atap aıtqanda, sońǵy ekeýi ózderine tıesili qural-jabdyqtardy elektrmen qamtamasyz etýdiń qoǵamdyq júıesine qosatyn bolady. Budan bylaı balamaly energetıkany shyǵrýdy kózdegender tabıǵatty lastanýdan saqtap qana qoımaı, jańa ádispen aqsha tabatyn bolady. Josparǵa sáıkes, aldaǵy jyldary Dýbaı energııanyń jańartylǵan túrlerin oılap taýyp «jasyl qalaǵa» aınalýy tıis.
«Qalanyń kez kelgen turǵyny ózine kún batareıin alyp, ony yńǵaıly jerge ornata alady. ıAǵnı, adamdarda jeke qurylǵyny nemese memlekettik jelini paıdalaný týraly tańdaý quqyǵy bolady. Eger energııany memlekettik jeliden paıdalanatyn bolsa, shyǵyndalǵan energııany esepteý júıesine sáıkes ótemaqy tóleıtin bolady», - deıdi ámirliktiń Elektr energııasy jáne sý resýrstary departamentiniń dırekory Saııd ál-Taıer.
Aldaǵy alty aıda sarapshylar atalǵan «jasyl» tehnologııa boıynsha barlyq protsedýralardy aıaqtaýdy kózdep otyr. «Jasyl shatyr» degen ataýǵa ıe bolǵan jobanyń tanystyrylymy 2014 jyldyń sáýir aıynda Dýbaıdaǵy Dúnıejúzilik «jasyl ekonomıka» sammıti kezinde ótkizilmek.
Jalpy, búginde BAÁ-de energııa kózderiniń jańartylǵan túrlerin shyǵarýda birinshi orynǵa talas qarqyndy júrgizilip keledi. Atalǵan saladaǵy basty básekeles bolyp memlekettiń qarjy, tehnıkalyq jáne ákimshilik resýrstary jınalǵan Ábý-Dabı men Dýbaı qalalary sanalady. Birikken Arab Ámirlikteriniń basshylyǵy mundaı básekelestikti qoldap, bes jyldan soń enerııanyń balamaly kóziniń ekonomıkadaǵy úlesin birneshe esege kóbeıtýdi josparlap otyr.
