Dýbaı jáne Irannyń ońtústik jaǵalaýy arasyndaǵy parom qatynasy jańartyldy
ÁBÝ-DABI. 14 tamyz. QazAqparat - Dýbaıdaǵy Rashıd ámiri kemejaıynyń jolaýshylar termınaly Iranmen parom tasymaldaýlaryn jańartty.
BAÁ buqaralyq aqparat quraldarynyń habarlaýynsha, teńiz paromymen saıahatqa shyǵý eki eldiń turǵyndaryn bıletterdiń arzan bolýymen jáne qymbat áýe jelilerimen salystyrǵanda kóp júkterdi ótkizý múmkindigimen tartady.
Sońǵy qyryq jylda Rashıd porty Dýbaıdyń Parsy shyǵanaǵy kóleminde bolsyn, búkil álemde bolsyn kólik qatynasynda basty ról atqaryp keldi, - dep esepteıdi termınal operatory DP World vıtse-prezıdenti Mohammed ál Mýallem. «Biz jolaýshylardy Dýbaıdyń júregi - Rashıd portynan shyǵatyn teńiz paromynyń qyzmetterin paıdalanýǵa qýana shaqyramyz», - dedi M.Mýallem.
Dýbaılyq Rashıd portynan Iranǵa paromdyq qatynas 2008 jyly kóliktik operatorlardyń keme tasymaldaryna toǵysqanynda toqtaldy. Ótken aptada Dýbaıǵa ırandyq Bandar Lengeh portynan 190 jolaýshysy bar «Hormýz-12» paromy keldi. Qaıtyp bara jatqanda júzetin qural 250 jolaýshyny mingizip ketti.
Parommen jeti saǵat saıahattaý 250 dırham (69 AQSh dollary) turady, bul Tegeranǵa ushaqpen ushý bıletinen shamamen eki ese az. Bul rette jolaýshylarǵa ózderimen birge 50 kelige deıin jeke qol júgin alýǵa ruqsat etilgen. Kólikti tasymaldaýshylar avtomobılderin qosymsha aqsha tólep ótkize alady.
