Dýbaı zergerleri uzyndyǵy 5 kılometr bolatyn altyn alqany jasaýda
ASTANA. QazAqparat - Dýbaı zergerleri uzyndyǵy 5 shaqyrymǵa jete alatyn rekordtyq altyn alqany jasaýmen aınalysýda, dep habarlaıdy sheteldik BAQ. Bul aktsııa shopıngtiń 20-shy festıvaline oraılastyrylǵan.
Dubai Celebration Chain ataýy berilgen áshekeıdi 22 karattyq altynnan jasaýda. Ony daıyndaý jumysyna Dubai Gold and Jewellery Group-tyń 500 jetekshi zergerleri qatysýda.
Osylaısha Dýbaı qalasy 1999 jyly uzyndyǵy 4,1 shaqyrym bolǵan altyn alqany jasaǵan kezde ornatqan óz rekordyn jańartpaqshy. Aktsııanyń uıymdastyrýshylary jańa áshekeıdiń naqty parametrlerin habarlamasa da, alqanyń uzyndyǵy 5-8 shaqyrym aralyǵynda, al salmaǵy - 160-200 keli shamasynda bolatynyn tuspaldady.
Áshekeıdi 2015 jyldyń 2 qańtarynda usynylýy múmkin. Aıta keteıik, Dýbaıdaǵy shopıng festıvali 1 qańtar men 1 aqpan aralyǵynda ótedi.
