Dýbaı týrnırinde ıÝlııa Pýtıntseva jarys jolynan shyǵyp qaldy

ASTANA. KAZINFORM — Qazaqstannyń ekinshi, álemniń 20-raketkasy ıÝlııa Pýtıntseva Dýbaı (BAÁ) WTA 1000 týrnıriniń ekinshi aınalymyna óte almady.

Qazaqstandyq tennısshi alǵashqy aınalymda álemniń 33-raketkasy, 20 jastaǵy chehııalyq Lında Noskovamen betpe-bet keldi.

Chehııalyq sportshy 6:2, 7:6 (7:5) esebimen jeńiske jetti.

Bir saǵat 29 mınýtqa sozylǵan báseke barysynda Pýtıntseva 1 eıs jasap, 7 breık-poınttyń bireýin ǵana paıdalandy. Noskova 7 eıs, 3 breıkpen (6 breık-poınt) kózge tústi.

Osylaısha, ıÝ.Pýtıntseva sońǵy eki iri jarysta L.Noskovadan ekinshi ret jeńilis tapty. 

Qazaqstannyń birinshi, álemniń 7-raketkasy Elena Rybakına reıtıngisi joǵary bolǵandyqtan, jarysty ekinshi aınalymnan bastaıdy.

Ótken jyly Dýbaıda ıtalııalyq Jasmın Paolını chempıon atanǵan edi.

Dýbaı dodasy 22 aqpanda máresine jetedi.

Taǵy bir qazaqstandyq tennısshi Mıhaıl Kýkýshkın Doha (Qatar) ATP 500 jarysynda irikteý saıystarynyń fınalynda ıtalııalyq Lıýka Nardıden utylyp qaldy – 4:6, 4:6. Sóıtip ol negizgi týrnırden tys qaldy.

Eske sala keteıik, budan buryn Beıbit Juqaevtyń alǵash ret juptyq synda chellendjer týrnıriniń chempıony atanǵanyn jazǵan bolatynbyz.

Eske sala keteıik, budan buryn Dohadan keıin Dýbaı týrnırinde Pýtıntsevanyń Noskovamen ekinshi ret kezdesetinin jazǵan bolatynbyz.