Dýbaı týrnıri: Elena Rybakına ótken jylǵy nátıjesin jaqsarta ala ma
ASTANA. KAZINFORM — Dýbaı qalasynda búgin WTA 1000 týrnıri bastaldy.
Atalmysh jarysta Qazaqstannyń birinshi, álemniń 3-raketkasy Elena Rybakına baq synaıdy.
Dodany ekinshi aınalymnan bastaıtyn qazaqstandyq tennısshi álemniń 54-raketkasy, germanııalyq Tatıana Marııa nemese reıtıngide 96-oryndaǵy aýstralııalyq Kımberlı Bırreldiń qaı jeńgenimen oınaıdy.
Ótken jyly Dýbaıda E.Rybakına jartylaı fınalǵa deıin jetip, onda reseılik Mırra Andreevaǵa 4:6, 6:4, 3:6 esebimen jol bergen edi. Keıin M.Andreeva úzdik shyqty.
Bıyl álemniń birinshi jáne ekinshi raketkalary, belorýssııalyq Arına Sobolenko men Polsha ókili jarysqa qatysýdan bas tartty. Sondyqtan E.Rybakına Dýbaıda birinshi raketka retinde tirkeldi.
Qazaqstandyq tennısshi ótken jylǵy upaıyn qorǵaý úshin jartylaı fınalǵa deıin jetýi kerek. Odan da sátti óner kórsetip jatsa, onda upaı qoryn tolyqtyrady.
Eske sala keteıik, budan buryn Aleksandr Býblıktiń Rotterdam týrnırinde fınalǵa shyǵý úshin talasatynyn jazǵan edik.
Sondaı-aq Anna Danılına Doha týrnıriniń chempıony atandy.