Dýbaı polıtsııasy jergilikti joldarda jıi jol-kólik oqıǵasyn jasaıtyndardy atady
ÁBÝ-DABI. 16 maýsym. Dýbaı ámirligi jol polıtsııasynyń bastyǵy, general Mohammed Saıf Ál Zafınnyń aıtýynsha, ótken jyly jol-kólik oqıǵalarynyń ishinde qozǵalys erejelerin buzýǵa Pákistan, Úndistan jáne Birikken Arab Ámirlikteriniń azamattary jıi jol beredi.
Dýbaı polıtsııasynyń málimetteri boıynsha, pákistandyqtar 2012 jyly 354 apatqa sebepshi boldy, sonyń saldarynan 26 adam mert boldy, 588-i jaraqattandy. Ekinshi orynda - Úndistan azamattary, olar 32 adamdy ajal qushtyrǵan 326 qaıǵyly oqıǵaǵa sebepshi boldy.
General Ál Zafın BAÁ-niń jergilikti azamattary 29 adam kóz jumǵan 302 jol-kólik apatyn jasaǵanyn atap ótti. Sondaı-aq ol dýbaı joldaryndaǵy apattarǵa jıi aıypty bolyp keletinder - bengaldyqtar, egıpettikter, sýdandyqtar, sırııalyqtar, brıtandyqtar, omandyqtar ekenin atap ótti.
Qazaqstan Respýblıkasynyń júrgizýshi kýálikteri BAÁ-de júrmeıdi. Qazaqstandyqtar avtomobıl júrgizý úshi ámirliktiń júrgizýshiler mektepterinde oqýdan ótip, teorııalyq jáne praktıkalyq emtıhandar tapsyrýǵa tıis.
Dýbaıdyń jol polıtsııasynyń paıymdaýynsha, jyldamdyqty arttyrý ámirliktegi apattardyń negizgi sebebi bolyp otyr. Osyǵan baılanysty polıtseıler 2020 jylǵa deıingi strategııalny qabyldap, joldaǵy ólim-jitimdi ár júz myń adamǵa shaqqanda barynsha tómendetýdi kózdeýde.
Dýbaı polıtsııasy kóptegen apattyq ýchaskelerde zertteý júrgizip, qurbandar sanyn barynsha azaıtpaq. Sonymen qatar, BAÁ joldarynda jyldamdyq radarlary únemi arta túsip keledi.
