Dýbaı Ormýz buǵazynyń jabylý qaýpine baılanysty jańa port salýdy josparlap otyr
ASTANA. KAZINFORM — AQSh pen Izraıldiń Iranmen soǵysynyń saldary Taıaý Shyǵystaǵy eń iri konteınerlik porttardyń biri — Djebel-Alıdiń jumysyna aýyr soqqy boldy. Port birneshe aı boıy qyzmetin ýaqytsha toqtatýǵa májbúr boldy, dep habarlaıdy Bild.
Financial Times gazetiniń málimetinshe, Dýbaı portynyń operatory DP World Ámirlikterdiń shyǵys jaǵalaýynda jańa teńiz portyn salýdy josparlap otyr.
Jańa joba iske assa, kemeler Ormýz buǵazyna kirmeı-aq, Oman shyǵanaǵy arqyly BAÁ-ge qatynaı alady. Basylymnyń jazýynsha, Saýd Arabııasy, Irak jáne Kýveıt te eksport pen júk tasymaly úshin balama baǵyttardy damytýǵa kirisken.
Alaıda bul bastamanyń Dýbaı úshin kesiri de bolýy múmkin. Óıtkeni jańa port BAÁ aýmaǵynda ornalasqanymen, Dýbaı ámirliginiń aýmaǵynan tys salynady. Sarapshylardyń pikirinshe, bul uzaq merzimde Dýbaıdyń óńirdegi ekonomıkalyq rólin álsiretýi múmkin.
Eske salaıyq, buǵan deıin BAÁ Irandy Ormýz buǵazyndaǵy eki munaı tankerine shabýyl jasady dep aıyptaǵanyn jazǵanbyz.
Al onyń aldynda AQSh Ormýz buǵazynda Iranǵa qarsy áskerı-teńiz blokadasyn qaıta engizetinin habarlaǵanbyz.
