Dýbaı merııasy kelýshilerden qatań kıim úlgisin saqtaýdy suraýda
ÁBÝ-DABI. QazAqparat - Dýbaı mýnıtsıpalıteti halyqqa qyzmet kórsetý oryndaryna «ádepsiz» kıingen áıelderge uzyn jeńdi dástúrli arab kıimin taratatyn bolady, dep jazady «Ál Haledj» gazeti.
Buǵan «jartylaı jalańashtanǵan» kelýshilerge qatysty shaǵymdardyń kóptep túsýi sebep bolýda. Memlekettik mekemege kelgender dress-kod saqtamaǵan jaǵdaıda, Dýbaıdyń atqarýshy keńesi kelýshini mekemege kirgizbeýi múmkin. Qujatta atap ótilgendeı, kóshede, saýda oryndary, meıramhanalar sııaqty qoǵamdyq oryndarda áıelderge tizeden tómen túsetin ıýbkalar men shortylar kııýge ruqsat beriletini atap ótilgen. Budan basqa, kıim ashyq-shashyq, sonymen birge kıimderde til tıgizetin, qorlaıtyn jazbalar bolmaýy tıis. Shaǵymdar er, áıel adamdardan da, basqa ult ókilderinen de túsýde ekenin atap ótken jón. Dress-kodpen barlyq iri saýda oryndarynda tanysýǵa bolady: aıtqandaı, bul oryndarda temeki shegýge, úı janýarlaryn ákelýge, qyzba emotsııalyq áserge berilýge tyıym salynady.
