Dýbaı qaıyrymdylyq sadaqanyń álemdik ortalyǵyna aınalady
Álem musylmandarynyń qaıyrymdylyq isterge (aýrýhanalar men mektepterge, meshitterge, t.b.) jyl saıyn on mıllıardtaǵan dollar mólsherinde qarjy aýdaratyny belgili boldy. Ernst & Young málimetine qaraǵanda, 2010 jyly álem boıynsha qaıyrymdylyq sadaqadan túsken qarjy shamamen 105 mlrd dollardy quraǵan.
Alaıda, bul qarajatty jarata bilý jaǵy kemshin soǵyp jatyr. Ol kóbinese jyljymaıtyn múlik pen ózge de aktıvterge jumsalyp, tıimdiligin joǵaltatyn kórinedi.
Sol sebepti, bul qarajatqa osy maqsatta qurylǵan NoorAwqaf fırmasy bas-kóz bolyp, ony kerekti jerinde jumsap, tıimdiligin arttyrmaq. Qarajattyń 60 paıyzyna Dýbaıdyń memlekettik ınvestıtsııalyq qorynyń enshiles kompanııasy bolyp tabylatyn Noor Investment Group ıelik etetin bolady. Al qalǵan 40 paıyzyna Ámirliktiń úkimeti janyndaǵy kámelet jasyna tolmaǵandar men aýkaf isteri jónindegi dýbaılyq basqarmasy qojalyq etedi. Bul jaıynda IMAM-ǵa silteme jasap muslim.kz habar taratty.