Dýbaı – Birikken Arab Ámirlikterindegi eń iri ári eń sáýletti qala

Osyǵan oraı, týrısterdiń súıikti demalys ortalyǵyna aınalǵan Birikken Arab Ámirlikterindegi Dýbaı qalasy shyn mánisinde qandaı qala? Ol ózine saıahatshylardy nesimen baýrap alady? Búgingi Birikken Arab Ámirlikteri týraly oqyrmandarymyzǵa azdap maǵlumattar bergendi jón kórdik.

Dýbaı - Birikken Arab Ámirlikterindegi eń úlken qala.

Kóptegen saıahatshylar munda Dýbaı saýda ortalyqtaryn, Djýmeıra meshitin, Saıd patshasynyń saraıyn tamashalaý úshin jáne qalany eki bólikke bóletin sý arnasynda «doý» kemesimen júzý, «arba» taksıimen qydyrý, sonymen qatar, pab, bar, túngi klýb, dıskoteka sekildi Dýbaıdyń túngi qyzyǵyna bólený úshin at terletip keledi.

Endi Birikken Arab Ámirligi týraly qysqasha toqtalyp ótsek:

Resmı astanasy - Abý-Dabı qalasy bolyp tabylady. Al týrıstik jáne saýdalyq ortalyǵy - Dýbaı shahary.

Saıası ahýaly

1971 jyly qurylǵan federatıvti memleket Birikken Arab Ámirlikteri - jeti táýelsiz ámirlikten turatyn jas el, ár ámirlik negizgi qalasynyń atymen atalady: Abý-Dabı, Dýbaı, Shardja, Adjman, Ým-al Kýveın, Ras-El-Haıma jáne Fýdjeıra. Ár bir ámirliktiń ámirshisi - sheıh, al jalpy memlekettik basqarý bıligi joǵarǵy keńeske berilgen.

Halqy

Halyqtyń 80%-y basqa elden kelýshiler bolyp tabylady. 2000 jylǵy sanaq boıynsha etnıkalyq arabtar barlyq turǵynnyń 48,1% (onyń ishinde BAÁ arabtary - 12,2%, bedýınder - 9,4%, egıpettik arabtar - 6,2%, oman arabtary - 4,1%, saýd arabtary - 4%), ońtústik Azııadan kelgenderi - 35,7%, ırandyqtar - 5%, fıllıpındikter - 3,4%, eýropalyqtar - 2,4%, basqalar - 5,4% bóligin qurady.

Dini

BAÁ-niń dini - Islam. Degenmen, basqa dinderge de ruqsat berilgen.

Tili

Arab tili, sonymen birge aǵylshyn tili de keń taralǵan.

Merekeleri men demalystary

1 qańtar - Jańa jyl, 11 aqpan - Qurban Aıt, 5 sáýir - Hıjra boıynsha Jańa jyl, 14 maýsym - Muhammed Paıǵambardyń týylǵan kúni, 25 qazan - Lelat al - Mıradj, Mıraj túni, 27 qarasha - Ramadannyń bastalýy (mólshermen) 2-3 jeltoqsan - Ulttyq kún. Merzimderi ózgermeli dinı merekeler de bar.

Dinı merekelerdiń merzimi Islamda qabyldanǵan aılyq kúntizbe boıynsha belgilenedi. Kúndik kúntizbege qaraǵanda aılyq kúntizbeniń jyldyq aınalymy 11 kúnge qysqa bolyp keledi.

Dinı merekeler kezinde restorandar jumys istemeıdi nemese onda temeki shegýge, spırttik ıshimdikter ishýge tyıym salynady. Ramadan merekesin alyp qaraıyq. Bul aıda dúkenderdiń jumys ýaqyty qysqartylyp, qoǵamdyq oryndarda iship-jeýge, temeki shegýge bolmaıdy. Bul talaptar otel terrıtorııalaryna taratylmaıdy. Bul shekteýler ár emıratta ózgeshe bolyp keledi. Bul elde demalys kúni juma kúni bolyp belgilengen.

Ulttyq taǵamy

Arab ashanasynda kelesi taǵamdar keń oryn alǵan: homýs - burshaq pen kúnjit uryǵynan jasalǵan pasta, tabbýle - usaqtalǵan jumsaq et, aq jelken men maıdalanǵan bıdaı, gýzı - jańǵaq pen kúrish qosylǵan qozy eti. Harıs - arnaıy daıyndalǵan bıdaı qosylyp pisirilgen et.

Arab Ámirlikteri - teńiz eli, sondyqtan munda et taǵamdarynan basqa teńiz janýarlarynan jasalǵan taǵamdar óte kóp. Tańqyshaıan, asshaıan, omar, týna - bular bular kúrish jáne arnaıy dámqosarlarmen birge beriletin taǵamdar.

Arab eliniń dástúrli jeńil tamaǵy - shaýyrma, qalanyń ár buryshynda satylady.

Jergilikti desertter óte dámdi - ýmm alı, esh asaıaıa (betine krem jaǵylǵan tátti irimshik bálishi), mehalabııa - (qyzǵylt sý jáne pisteler sebilgen botqa).

Kofe taǵaıyndaý - bul eldegi úlken óner bolyp esepteledi. Eń qadirlisi - aravııalyq, ashyq tústi. Ol jartylaı qyzdyrylǵan dánnen jasalady. Eldegi kafelerdiń kez kelgeninen onyń dámin tatýǵa bolady.

BAÁ musylman eli bolǵandyqtan, spırt ishimdikteri meıramhanalar men syrahanalarda, qonaq úılerde ǵana satylady. Tek Shardj ámirliginde ǵana alkogolge múlde tyıym salynǵan.

Dýbaı - eń demokratııalyq qala bolyp sanalady. Qoǵamdyq oryndarda, kóshede, jaǵajaıda alkogoldi paıdalanýǵa bolmaıdy. Mas kezinde transport júrgizýge múldem tyıym salynǵan. Bul úshin úlken aıyppul salynady, tipti qamaýǵa alýy da múmkin.

Qubyrdan sý ishý zııandy emes. Shólmektegi sýdy da paıdalanýǵa bolady.

BAÁ klımaty

BAÁ naǵyz qurǵaq sýbtropıkalyq klımatymen erekshelenedi (jylyna jaýyn-shashyn dárejesi - 13sm). Jaz mezgili óte ystyq bolady (+48°S-ge deıin). Jylyna 360 kún aspan bultsyz jáne shaıdaı ashyq turady. BAÁ-de týrıstik maýsym jazǵy aptap azaıǵan kezde qyrkúıek aıynyń sońynda bastalyp, mamyr aıynyń birinshi jartysyna deıin sozylady.

BAÁ-de jeltoqsan men qańtar eń salqyn aılar bolyp esepteledi. Bul kezdegi aýa temperatýrasy kúndiz +28°S, túnde +18°S kórsetedi.

BAÁ-niń shıpajaılary

BAÁ - álem týrısteri eń tartymdy el. Parsy shyǵanaǵynyń jyly sýlary, qumdy jaǵajaılary, shóleıtti tabıǵı kórinisteri, jelkendi qurma, banan jáne lımon shoqtarynyń ylǵaldy alqaptary, qazirgi kezeńgi ómir tártibi, halyqtyń ulttyq dástúrge degen senimi, eýropalyq tamasha sýpermarketteri men shyǵys bazarlary - bunyń bári saıahatshylar úshin qııal álemi.

Saıası qurylymy

Memleket basshysy - Prezıdent. Sonymen birge ár ámirliktiń ózine táýeldi qyzmetteri, jeke úkimeti bar.

Bankteri

BAÁ-degi jáne jergilikti shetel bankteri qarjy qyzmetteriniń barlyq túrlerin kórsetedi. Bankterdiń jumys ýaqyty: senbiden sársenbige deıin 8.00-13.00, beısenbi kúni 8.00-12.00 deıin. Keıbir bankter saǵat 16.00-17.00-ge deıin ashyq bolady. Aıyrbastaý bólimsheleri 8.00-13.00 jáne tústen keıin 16.00-20.30 aralyǵynda jumys isteıdi. Aqsha birligi - dırham.

Aınalymda 5, 10, 20, 50, 100, 200, 500, 1000, 5000 dırhamdyq aqshalar júredi. Sonymen birge 1 dırhamdyq metall tıyndary da bar, onyń syrtynda Quman beınelengen.

BAÁ-niń aıyrbastaý puly - fılz dep atalady. Bir dırham 100 fılzdi quraıdy. Munaıly áýe beınelengen 50 fılz keń qoldanylady. Usaq aqshalar qunynyń tómendigine baılanysty sırek qoldanylady. 25 fılzdik aqshada - elik, 5 fılzde - balyq beınesi sýrettelgen.

Qonaq-úılerdiń kópshiliginde, saýda ortalyqtarynda, iri dúkenderde American Express, Master Card, Visa, Dinners Club tólem kartalary qabyldanady, al bankomattardy kez kelgen halyq iri qonystanǵan ortalyqtardan taba alasyz. Shetel jáne ulttyq puldy engizýge jáne shyǵarýǵa shekteýler qoıylmaıdy.

Elektr jaryǵy - 220V, 50Gts.

BAÁ-niń salt-dástúrleri

Birikken Arab Ámirlikteriniń salt-dástúrleri ıslam dinimen sabaqtas. Sondyqtan, bul elmen túsinisip, kelisimge kelý úshin jáne jaqsy dem alý úshin osy halyqtyń dástúrin syılaýyńyz qajet.

Islam sharttary, ásirese, qasıetti Ramadan aıynda qatań saqtalynady.

Eger jol túsip, dám tartyp, Dýbaıǵa bara qalsańyz, onda joǵarydaǵy atap ótken málimetterge mán bergenińiz jón.