Dýbaı bıligi Ramazan aıynda ashyq-shashyq kıinýge tyıym salýda
ASTANA. 9 shilde. QazAqparat - Qasıetti Ramazan aıynyń qarsańynda Dýbaı bıligi Ámirliktiń musylmandyq kelbetin saqtaý maqsatynda kıim kııý úrdisinde qarapaıymdylyq qaǵıdalaryn saqtanyp, ashyq-shashyq kıinbeý bastamasyn kóterýde. Osyǵan baılanysty qonaq úılerde Dýbaıǵa kelgen meımandarǵa ámirliktiń salt-dástúri men mádenıetine saı jabyq kıiný sharttary jazylǵan nusqaýlyqtar men paraqshalar taratylyp, túsindirý jumystary júrgizilip jatyr. Bul týraly «Emirates 24/7» agenttigine silteme jasap muftyat.kz saıty habarlaıdy.
«Arnaıy nusqaýlyqtar kelgen qonaqtarǵa áýejaılarda, saýda úılerinde, qoǵamdyq jerlerde taratylyp jatyr. Bul is-shara jergilikti turǵyndar men shetel qonaqtary arasynda qoldanys tabýda. Qoǵamdyq jerlerde, ásirese, Dýbaı-Molldyń ishinde qonaqtar ashyq kıinbes úshin, bundaı nusqaýlar qajet. Keleshekte bundaı áreket óz jalǵasyn tabady dep senedi jergilikti halyq», - delingen habarlamada.
