Dýbaı bıligi aty ańyzǵa aınalǵan fýtbolshy Dıego Maradonany jat qylyǵy úshin elge kirgizbeı otyr
ASTANA. 28 tamyz. QazAqparat - Dýbaı bıligi esimi elge belgili aıaqdop perisi Dıego Armando Maradonany el aýmaǵyna kirgizýden bas tartty. Buǵan fýtbolshynyń beıádep qylyǵy sebep bolyp otyr.
Belgili bolǵandaı, shilde aıynyń bas kezinde Dıego Maradonaǵa Dýbaıdyń sport salasyndaǵy arnaıy ókili bolyp isteýine múmkindik beretin kelisimsharttyń merzimi uzartylǵan bolatyn. Muslim.kz saıtynyń jazýynsha, keıin ol burynǵy naqsúıeriniń týǵan kúnin toılaý úshin Argentınaǵa ketip qalady. Osydan keıin argentınalyq buqaralyq aqparat quraldarynda jartylaı jalańashtanǵan qyz-kelinshekterdiń ortasynda turǵan Maradonanyń sýreti jaryq kóredi. Kóshede ketip bara jatyp, qushaq aıqastyrǵany úshin adamdardy abaqtyǵa jabý jazasy ústemdik etetin Dýbaıda fýtbolshynyń ersi qylyǵy bylaıǵy jurttyń narazylyǵyn týdyrǵan edi.
Alaıda, fýtbolshymen bekitilgen kelisimshart óz kúshin joımaıtyn boldy. Kelisimshartqa sáıkes ol 5 mln. dollar qarjyny qaltasyna basady. Sportshynyń qorǵaýshysy aıtqandaı, 10 kúnnen soń fýtbolshy Dýbaıǵa qaıtyp oralady. Ázirge oǵan vıza ashtyrý múmkin bolmaı tur.
