Dýbaı áýejaıynda 80 qazaqstandyq elge ushatyn reısten túsirildi

ShYMKENT. QazAqparat - Elimizdiń Syrtqy ister mınıstrligi Birikken Arab Ámirlikterinen ushyp kele almaı qalǵan shymkenttikterge qatysty túsinikteme berdi. Mınıstrliktiń resmı ókili Aıbek Smadııarov shetelge barǵan 80 azamattyń máselesi erekshe baqylaýǵa alynǵanyn aıtady, dep habarlaıdy QazAqparat tilshisi.

«Bizdiń Dýbaıdaǵy dıplomattar bul máseleni erekshe baqylaýǵa alǵan. Ázirge ondaǵy azamattardan aryz-shaǵymdar joq. Fly Dubai áýekompanııasynyń málimetinshe, suranys bildirgen barlyq jolaýshylar qonaqúılerge ornalastyrylǵan. Tamaqpen qamtylǵan. Áýekompanııa tyǵyryqtan shyǵý úshin jolaýshylardy Almaty, Bishkek jáne Tashkent arqyly jetkizýdi josparlap otyr. Olardyń barlyǵy erteń nemese arǵy kúni elge jetedi dep kútilýde»,-dedi Aıbek Smadııarov.

Aıta keteıik, Dýbaı qalasyna barǵan 80 shymkenttik elge jete almaı otyr. Jolaýshylardyń sózinshe, olar ushaqqa otyrǵanda belgisiz bir sebeptermen reısten túsirip tastaǵan. Sonan soń, 6-7 saǵattaı áýejaıda kútýge májbúr bolǵan.