Dýbaı áýejaılary belgisiz merzimge jumysyn toqtatty
ASTANA. KAZINFORM — Dýbaıdyń halyqaralyq áýejaılary — Dubai International Airport (DXB) jáne Al Maktoum International Airport (DWC) Taıaý Shyǵystaǵy jaǵdaıdyń ýshyǵýyna baılanysty belgisiz merzimge jumysyn toqtatty, dep habarlaıdy Kazinform agenttigi.
Dubai Airports kompanııa-operatorynyń málimdeýinshe, barlyq reıs qosymsha habarlamaǵa deıin ýaqytsha toqtatylǵan.
— Jolaýshylarǵa áýejaıǵa kelmeý usynylady. Olar reıster týraly ózekti aqparat alý úshin áýe kompanııalarymen tikeleı baılanysýy tıis, — delingen resmı habarlamada.
Eske sala keteıik, buǵan deıin Qazaqstan Taıaý Shyǵystaǵy alty eldiń áýe keńistigine ushýǵa tolyq tyıym engizgen bolatyn.
Taıaý Shyǵys baǵytyndaǵy reısterdi toqtatqan álemdik áýe kompanııalary týraly tolyǵyraq bólek materıaldan oqı alasyz.
