«Dýbaı-Astana» reısinde ushaq bortynda temeki shekkeni úshin er adamǵa aıyppul salyndy
ASTANA. QazAqparat - «Dýbaı-Astana» reısinde ushaq bortynda temei shekkeni úshin er adamǵa aıyppul salyndy, dep habarlady QR ІІM Kóliktegi ІІD baspasóz qyzmeti.
«4 shilde kúni 01.50-de Astana qalasy áýejaıynyń Jelilik polıtsııa bólimine «Eır-Astana» áýe kompanııasynan tártipsiz jolaýshyny tapsyrý jóninde akt kelip tústi. Quqyq buzýshy «Dýbaı-Astana» baǵytyndaǵy áýe kemesiniń bortynda temeki shekken Qaraǵandy qalasynyń 27 jastaǵy turǵyny bolyp shyqty», - delingen habarlamada.
Ol úsh aılyq eseptik kórsetkish mólsherinde ákimshilik aıyppulǵa tartyldy.
2016 jyldyń basynan beri kólik polıtseıleri ár túrli quqyq buzýshylyqtar úshin 31 522 adamdy ákimshilik jaýapkershilikke tartty, sonyń ishinde belgilenbegen oryndarda temeki shekkeni úshin 2300-den asa quqyq buzýshy ákimshilik jaýapkershilikke tartyldy.
